СЕТОМАНИЯ – БУ ХАВФЛИ КАСАЛЛИК!!

 

         Постнинг мавзусини ўқиб хайрон қолгандирсиз, "сетомания" қанақа касаллик экан деб. Бу тушунчани фанга камина киритди J . Бу касаллик нимадан иборат? Сетомания – бу иш, рўзғор, ҳаёт ташвишларидан узоқлашиб доимий равишда ҳозирда "ижтимоий тармоқ" (P.S. – қанча ўйлаб кўрсам ҳам бу сайтларнинг ижтимоий жиҳатини топа олмадим) деб аталаётган Одноклассники.ру, Фэйсбук.ком, Вконтакте.ру ва бошқа шунга ўхшаш сайтларга муккасидан кетиб ўтириш касаллигидир. Очиғи бу сайтларга 2009 йилдан бери киришган бўлсам жуда кўп вақтимни олганлигини энди ҳис қилаябман. Бу ҳис қилиш нимадан пайдо бўлди деб сўрасангиз яқинда ишхонамизда иш унуми тушиб кетганлиги ва интернет харажатлари кўпайиб кетганлиги сабабли оммавий равишда "ижтимоий тармоқ" сайтларига рухсат ёпиб қўйилди. Аввалига норози бўлдик, кейин ўйлаб кўрсак тўғри қилишган экан. Шунча иш қолиб кетиб фақат нетда ўтирган эканмиз, иш унумига ҳам таъсир қилганини сезаябман. Синфдошлар.ру сайтида 2009 йилда энди аъзо бўлган пайтларим ақлли гаплар, статуслар, фикрлардан бахраманд бўлардим. Ҳозирда эса сайтга назар солсангиз "Палончи" қидирилаябди, "Палон болага" ёрдамингиз керак, Уятли кадрлар ҳамрохлигида уят сўзлар ёзилади, болаларни Айфон, Айпад ўйнаб ўтирган расмларига ХХ1 аср болалари деб коммент ҳам ёзиб қўйишади. Мен ижтимоий тармоқ саналган сайтларни қораламоқчи эмасман, сарф қилаётган вақтимиз унуми ҳақида бироз ўйлаб кўрайлик демоқчиман холос. Ота-бувамиз бизнинг ёшимизда тинмасдан ишлашган, Биз эса иш вақтимизни  бўлмаганда 25-30% ни шу сайтларга бағишлаймиз. Сайт муаллифлари Сайтларда ўзига жалб қилувчи сўзлар жилосидан устамонлик билан фойдаланишганлигини кўришимиз мумкин.

 

Админиддин бир неча бор ЖАР солганлиги ҳам эсимга келиб қолди, ҳадеб бошқа сайтларда ўтирмасдан, Курсдошларимизнинг БЛОГига ҳам озроқ эътибор беринглар дегани. Охирги пайтлар Блогда анча суст ҳаракатлар кузатилаябди, шунга эътибор қаратмоқчиман холос. Қўйинглар шу "ижтимоий тармоқ" сайтларини ҳеч яхши нарса бермайди сизларга. Ундан кўра фарзандларингизни паркларга, ўзингиз билан бозорга олиб боринг, энг яхшиси китоб ўқинг ва қанақа китоб ўқиганлигингиз таасуротлари билан Блогда биз билан баҳам кўринг. Ҳаммага омад!

 

Read more »

ЎҚИШ, ЎҚИШ ВА ЯНА ДИПЛОМ (Н.Б. Муҳаммадиев)

ЎҚИШ, ЎҚИШ ВА ЯНА ДИПЛОМ

(Н.Б. Муҳаммадиев)

         Салом дўстларим! Мана бугун ўқишни тугатганимга 2 ҳафтадан ошди. Табриклар учун алоҳида раҳмат. Ота-боболаримиз "илҳом париси келганда қўлимга қалам олиб ўз кечинмаларимни баён этдим" деб ёзишарди. Ҳаёт шу қадар шиддат билан ривожланаябтики ҳозирда қалам билан эмас компьютерни электр токига улаб клавиатурага яқинроқ ўтирсак бўлгани. Ижод бўлаверади. Мен сизга баён этмоқчи бўлганларим яна ўша мавзу "ЎҚИШ" тўғрисидадир.

         Қарши Давлат Университетида ўқиб юрган пайтларим Акам (P.S.- кўпчилигингиз танийсиз исми Наврўз) Тошкентда ўқирди. Каникулларда келганларида ўқиш таасуротлари, ўқитиш услублари ҳақида ҳикоя қилиб берганда рости жуда ҳавасим келарди. Нимага мен ҳам Тошкентга ўқишга топширмаган эканман деб ўзимни роса койирдим. 2004 йил Тошкентга янги келган пайтларим биринчи қилган ишларимдан бири машҳур НАРХОЗ (Тошкент Давлат Иқтисодиёт Университети) га Магистратурасига хужжат топширдим.

Тўғриси хужжатимни олишмади, чунки Дипломга илова нотўғри тўлдирилган экан. (Менимча ҳаммангизда шунақа нотўғри тўлдирилган бўлса керак) Қаршига қайтиб келиб Иловани бошқатдан ёздириб, "раҳмат" эвазига албатта, хужжатларимни олиб бориб топширдим. Лекин афсуски кира олмадим, кириш бали "21.5" ман тўплаган балл "18.5". Лекин ёнимда ўтирган ва ҳеч нарса ёзмаган болалар ўқишга қабул қилинди. Бу ноҳақликка чидай олмай тўғри Ректорни олдига бордим (P.S. - Ҳозиргача эсласам юрагим орқага тортиб кетади қандай қилиб Ректорни олдига кириб борганман деб). Меҳнатсиз ва курашсиз ҳаётда ҳеч нарсага эришиб бўлмаслигини англаб етганман ўшанда. Ректор эса ўз навбатида Магистратурани деканини чақириб "разберись" деган. Декан эса хонасига олиб бориб роса шахсиятимга теккан "эркакмисан", "тупой бўлсанг ман нима қилай", "харп" каби сўзлар билан. Мен индамай эшитиб туриб мени ўқишга кира олмаганим сизга шахсиятимга тегиш ҳуқуқини бермайди деб мен ҳам ундан қолишмаган ҳолда роса олдида "онасини дуо" қилганман........

Қисқаси ўхшамади. Лекин ўқиш иштиёқи менга барибир тинчлик бермасди. 2011 йили Банк Молия Академиясига (кейинги ўринларда "Академия") ўқишга топшириш имконияти бўлиб қолди, ва мен бу имкониятдан фойдаланиб қолдим, лекин ......гилар яъни мени "яхши кўрадиганлар" бунга йўл қўйишмади. Хужжатим Академиягача етиб бормади. Бу ҳолат мендаги ўқиш ва ҳаракат қилиш иштиёқини яна ҳам ошириб юборди. Энди қасдма қасдига ҳаракат қила бошладим ва ўз ўзимга мени "яхши кўрадиганларга" кўрсатиб қўйиш учун ҳам ўқийман деб сўз бердим. 2012 йил Академияга қабул эълон қилингандан кейин яна ҳаракат қилиб хуллас имтиҳонгача бордим ва Талабаликка қабул қилиндим.

Тажриба – бу ҳаётдаги энг катта ўқитувчи эканлигини ҳис қилдим, лекин уни тўлови қимматга айланар экан.

         Саъдий бувамиз айтганларидек "Ўқишни ҳоҳламасдан ўқиган ўқувчи қанотсиз қуш кабидир", мен астойдил ўқишга киришиб кетдим. Академияда Устозларни талабага билим бериш эмас унга йўналишни кўрсатиш тамойили асосида иш юритганларини кўриб рости лол қолдим. Бу нарса менга жуда ёқди. Талаба ўз устида ўзи ишлайди. Бу ерда ҳар битта фанда талабалар 5 кишидан иборат гуруҳ гуруҳ бўлиб ўқишади ва ҳаракат қилишади. Энг қизиғи бошқа фанда бутунлай бошқа бешликка тушиб қоласиз. Академиянинг асосий шиори "Талаб ичини билим билан тўлдириладиган идиш эмас, у ёқилиши керак бўлган оловдир".

         Ростини ўзимни ақлли кўрсатиб сизларга ўқиганлигимни мақтанмоқчи эмасман, мени ўқиганим қолганлар олдида ҳеч нарса эмаслигини ҳам биламан, Талабалар чет элларга бориб МА, PhD олиб келишаябди. Лекин инсон доимо ўқиши, ўз устида изланиши керак эканлигини ўз мисолимда кўрдим. Уйда дарс қилиб ўтирган пайтларим болаларим ҳам олдимга келиб улар ҳам болаларча дарс тайёрлаб кетишарди ва мени ўқиш жараёнимни мароқ билан кузатишарди ва бу уларга ҳам туртки бўлди деб ўйлайман.

Айниқса талабалик давримда дунёга келган қизалоғимни эркалатиб "Мени Магистрим" деб атай бошладим.

         Хуллас Ўқиш ва илмий иш тайёрлаш жараёни мени яна қандайдир ўзгаришлар қилишга ундаябди. Ҳозирча яқин 5 ва 10 йилларга режа тузиш билан машғулман. Сизга фақат шу ичимдагиларни баён этдим холос. Саломат бўлинглар! Янги йилда ҳаммага омад тилайман.

 

 

 

 

 

Read more »

Хоразм таомларида

2-3 ой аввал Хоразм таомларида Низом хак бераётган пайтда хаммага смс жунатганимда, Боха ака борсам олиб борасанлар деб колгандилар, кеча балик егимиз келиб боргандик, яна бир бор ажаблантирди мани хам. Айникса атрофингизда хоразмча кушиклар жонли ижрода янграб туриши хам бошкача буларкан. Таомларни курибку ман Хоразм тоамларига 5 кетдим яня. Уларни узини ошхонаси борлигига яна бир бор амин булдим. Балик, гушт ва унигача Хоразмдан келтиришган, тановвул килган пайтингиз амин буласиз, айникса баликдан шундай сезилиб туради - таъм.

АВВАЛИГА МИНИ МИНИ ЧУЧВАРАЧАЛИ СУЮК ТАОМДАН ТОРТИШДИ

Кейин гажиллаб пишган баликдан тановвул килдик

                                                               НОН хам хоразмча 

Кейин бошланди-ю аввалига шашлик, муздай кола билан роса кетдида лекин.

            БУ сетка кабоб юкоридаги расмга ухшайди, аммо яхшилаб карасангиз гушт булаклари катта катта ва сихда пишмаганлигига амин буласиз, мазза килдикда -еййй

                Рости анаву отинг кургурдан хам булди, бу нарсани акаларни кузидан хам билса булади :)):):)

Сухбат жуда ажойиб булди, мастлик ростлик дегандай, анча жиддий гурунглар килдик. Хайдаровдан бошлаб -Куборагача эсладик. Шукуровга инсоф  ва бошкаларга омад тилаб якун ясадик

Айтгандай зиёфат харажатини Низомбой коплади ва шу сабаб дустимизга ташаккур изхор килиб, Сизнинг яхши одатингиз бошкаларга хам юксин юксин деймиз :)))  

Read more »

Хуршид таом суръатлари

Блогда факат каминанинг эмас, бошка курсдошларнинг хам постлари булиши орзуларимдан бири дейдику. Бу жабхада факат Низом жавлон ураяпти, лекин бугун Хурадан 2 та расм олиб севиниб кетдим, чунки харакат булаяпти. Тулик хам 1 йил аввал 2 та расм жунатганда бундан кейин тинмасам керак фотокорреспондентларимиздан расмлар деб уйлагандим :))))  Аммо бу сафар умид киламиз расм юборишлар кети узилмайди, чунки Кора денгиздан расмларга ваъдалар булганди.

Майли Хурани расмларига кайтайлик ва изохларда бир Хура билан расм тугрисида сухбат уюштирсак.

Read more »

Мунозарали масала

Якинда Каршига борганимда, бир масала буйича курсдошлар уртасида турли хил фикрлар юзага келишига сабаб бир холат булди. Муносабатларга дарз кетишига сабаблардан бири бу икки тараф узини карашини мухокама килиб олмаслиги хамдир. Чунки хар бир тараф уз карашини ва фикрини иккинчи тарафга баён этса, у бир тараф келажакда шу жихатларга эътибор беради деб уйлайман. Бир бирини тушунишда хам осон булади, биздан кайсидур уртогимиз хафа булиб юрган булиши мумкин, кайсидур нотугри харакатимиз учун, вахоланки бизни карашимизда бу нотугри эмасдай хам булиши мумкинку.

   Кискаси, Илхомни чойхонасига бориш учун одатда Курсдошларимиздан бирининг машинаси билан борамиз ва кайтишда хам шу машинада кайтамиз. Охирги сафар шу курсдошимиз бензин олиб беришимизни айтди, сабаби бензини кам экан. Мен иктисодий тарафдан уйлаб курсам, бензинга пул беришим, таксида боришимга караганда 2-3 марта арзон тушар эди, шу сабаб бажонидил рози булдим, бошкалар хам беришди-ю, аммо шу бензинини хам биздан оладими дегандай роса хафа булишди. Уз нуктаи назаримни тушунтирсам хам тушунишмади, машина сохиби булган курсдошимиз, болаларимни ризкидан киркиб бензин куйиб юргим келмади, буларни хафа булишини кара деб у хам хафа булиб колди.
   ШУ масала буйича фикрларингизни кутаман.....  Шундай холатларда кандай йул тутиш керак. Уз фикримни кейинрок билдираман.

Read more »

Фарзанд тарбияси

 Якинда уйимга бир укахон мехмонга келганди ва дилдан сухбат курдик, сухбат асносида турли мавзуларни тахлил кила туриб - болалар тарбияси хакида сухбатлашаётганмизда, каминадан фарзандлар тарбиясида хиссам суралди. Рости шу пайтгача узимни намунали ота хисоблардим, балки шу кунгача менга хеч ким бу саволни бермагани учун, узимни тахлил килмагандурман. Жавоб бера туриб атига 3 та холатда узимни болалар тарбиясида хиссам борлигини айта олдим.

1.  Таом ейишдаги одобни
2. Совга келганда кизимга биринчи беришни углимни аклига сингдирганим
3. Кариндошларникига бориб туриш керак эканлигини 

Вазиятдан чикиш учун фарзанд тарбиясини камина рафикасига ишонган деб туриб олдим, аммо ичимда хайкирик ва уз узимга эътироз уша пайтдан бошланди, яхши хамки бу саволни уша укахон шу кунларда берди, 70 ёшимда эмас. Кискаси, азизлар, адашмасам хаммамизда шу ахвол булса керак, келинглар фарзандларимиз биз эришмаган ютукларга эришишлари ва юртимиз ривожи учун ноёб мутахасис булиб етишларида чин дилдан харакат килайлик. Бундан сунг блогимизда изохларда узларинг фарзанд тарбияси учун фойдали деб билган машклар ёки куникмаларни колдириб утсангизлар. Бир биримиздан урганайлик, нотугри булса тугрилайлик бир биримизни.

Канака машклар ёки мисоллар десангиз, бир холатни келтираман: 

"Бир ёши улуг киши айтиб берганди, Отамиз укиш ва ёзишни билмасада дарс килаётган пайтимизда бошимизга келиб бизни кузатиб турарди ва бизлар дарс килардик, отамизни утириши кандайдур бизни рагбатлантирарди" деганди. 

Ишонсангизлар, мен шу холатни болаларимга синаб курдим, дарсларини бир завк билан килади ва укалари хам нималарнидур чизади, хаттоки 1,5 ёшли чаколокчам хам когозга нималарнидур ёзаман деб харакат килиб когозларни йиртиб ташлайди, шундай холатларда уйимизга шодлик ва болалик бахти мехмон булиб турганига амин буламан, аммо лаънати телефонда смс келиши ё кунгирок булиши билан камина чалгиб кетади ва шодлик хам энасининг уйига кетиб юборади. Шу холатни купайтиришим керак аслида, кейин бир рус опахоним [нияти бузуклар- шунчаки хамкасб опа] уйим менинг дам оладиган худудим- ишхонамнинг ишларини уйга киритмасликка харакат киламан дегани, менга роса таъсир килган, шу сабаб хонадонимизда факат ва факат оиламизга, фарзандларимизга эътибор каратишга харакат килишимиз керак. Зеро фарзандларимизни суюкли ДАДАжонисига айлансак.....

Изохларда фаол булайлик, хамма уз куникмаларида бошкалар учун фойдали деб билган мисолларни келтиришса, майли узимиз амал килмаган булсакда, аммо каердандур эшитиб бизга манзур булган булса. Кани кетдик.

Read more »

Низомиддин: Бу нима ўқувсизликми ё эътиборсизлик-2?

Бу нима ўқувсизликми ё эътиборсизлик-2?

Машхур Голливуд фильмларида биринчи қисм прокатга чиққандан кейин иккинчиси ҳам, учинчиси ҳам чиқиб кетади. Шуларга ўхшаб мен ҳам юқоридаги постимни эълон қилмоқчи бўлдим.

Февралда ёзган постимдан кейин бу ҳақда кўп ўйладим, тўғри қилдимми ё нотўғри қилдимми деб. Чунки бировни танқид қилиш осон, лекин уларни тўғри йўлга солиш жуда қийин. Хуллас шу фаолиятимни давом эттиришни маъқул кўрдим ва бир қанча фотосуратларни сизларга тақдим этмоқчиман.

1) Уй сотиш тўғрисидаги эълонни кўриб рости қайси тилда ёзилганини тушунмадим, 

2) Дорини қаранг Лотин тилида ва рус тилида Калий моддаси она Ўзбек тилимизда кальций 
бўларкан, буни кўриб  Ўзбек фармацевтларидан қўрқиб кетасан киши, 

3) Бозорга чиқиб болаларимга дафтар олдим, уйга келиб машҳур Пифагор жадвалини ўргатаман деб қараб кўрсам бу аҳвол, бундай хатоликни шахсан Пифагор бувамизни ўзлари кўрганларида борми ўзларини аниқ осиб қўярдилар.......

Read more »

Дустларим менинг бойлигим

Якинда фарзандимга суннат туй килганимдан сунг, куп кадрдонлар туй хакида фикр сурай бошлашди, хаммасини блогда ёзишни айтгандим, аммо анча вактгача блогга киришга вакт топа олмаётган эдим, якинда Акмалнинг илк постидан сунг ёзаман дедиму яна маълум бир вактга оркага чузилиб кетди. Кискаси......

   Туйдан узимни кунглим тук ва куп нарсаларни узим учун ургандим ва кашф килдим, навбатма навбат тухталсам. Сарлавхани жарангдор килиб куйишимни сабаби бор, маълумки туйга туёна билан деган наклга кура, муллажиринг жойида булса, туй ташвишлари хам камрок булади, ана шу жабхада узимизни болалар роса ёрдам килишди, узокдан туриб хам хиссаларини кушиб хам каминани дусти душман олдида уялтиришмади. Ким канча берди деб энди  рейтинтни эълон килиб ётмай-а азизлар. Лекин Хайдаров хар доимгидай руйхат бошида.
  Студентлик даврида бошланган Шифанер олиб бериш удумимиз хозир мантикасконга утган. Каминага олиб берилган Мантикаскон мана. Худо хохласа биргаликда роса мантихурлик киламиз - Ошнажонлар

Бир акахонимизни - халкаро ташкилотга ишга утганимда илк устозим булган кишини туйида дустларини хаммаси костьюм шимда терилиб турганини куриб роса хавасим кетганди, болалардан хаммаларинг ок куйлакда келинглар деб илтимос килгандим, купчилик харакат килди, Шукуров хаттоки уша куни, бозорга тушиб ок куйлак хам сотиб олибди. (Туйларида кайтарайлик). Туй охирида хамма уртокларимни даврага териб бер  деб бошловчига илтимос килгандим, куйида уша холат, купчиликка шу холат роса ёккан экан.... Низикбой хам табрикни йиртиб куйди лекин.

Нодирни, аёлига айтган бир гапи бор экан, рухсатисиз шу ерда келтираман " Менинг курсдошларим менинг борим ва улар учун хамма нарсага тайёрман". Нодирнинг бу гаплари самимий эканлигига шубха йук ва буни исботлаб келаяпти хам. Камина хам хамма нарсага тайёр булмасада, сизларни билан сухбат куриш, вакт утказиш ва бирга булишни хеч бир ерда топа олмаса керак. Даврамизда самимият ва кувонч хар доим уфуриб туради ва шу дустлигимиз, окибатимиз узилмасин. Туйга Иктисодиётдаги Маъруфни хам чакиргандим, пахта даврида килган яхшилигини хеч унута олмайман. Кискаси Маъруфнинг хам бизларга хаваси кетгани шундай кузидан билиниб турганди ва уйлашимча купчилик бизни курсимизда укишни орзу килган.

Тулик ошна шундай шашликни - уша Сочида хам топа олмайсан нима дединг

 Даврадаги самимий кулгуни каранг

 Ихани товук шашлигини Тошкентда ёнбошлаб кидириб хам топа олмайсиз 

Туй килаётган одамга телефонда хам хорманг деб куйиш далда булар экан, Тожиев барака топгурни роса машинасидан фойдаландик, Шукуров хам ора сира уйга келиб туриши одамни кунглини кутариб турди, Нодирнику айтиб утирмай энди. Туй куни айникса эрталаб Тожиев, Шукуров ва Акмални тинтирмадим, дадамларни олдида роса обру олдим, телефонда иш битириб ташладим- битта кунгирок палончи нарса етмаяпти дейман 10 минутда туйхонага етказишади. Илхомни чойхонаси тандиру-товукларни етказиб тургани хам каминага анча енгиллик берди.  Туйдан олдинги ковурдоклада хам - Шукуров уринларингни билдиргани йук

 Хозир хаёлга келгани шулар, хали бафуржа яна ёзаман.... Азизлар Фойдали маслахатлар рукнига купрок диккат каратмокчиман, бундан сунг уша мавзуда купрок постлар килмокчиман.Сизлар эса комментларни аяманглар.

Read more »

Биринчи постим

Ассалому алайкум курсдошлар. Бугун зерикканимдан блогни очгандим, янгиликлар йук экан, Админиддин дустимиз хам хозир ишлари куплигидан блогга вакт ажратмай куйдилар, шунга Админиддин дустимизга блогдаги фаолиятига озгина кумаклашиш максадида блогда пост киритишга киришдим. Лекин олдиндан узр сурамокчиман менда Админиддин дустимиздек езувчилик кобилят йук, шунга гапларим малол келиб колса тузатиб куинглар. Дустларим агар сизларда хам постга чикариш учун бирон бир маълумот булса бемалол юборинглар менга еки Админиддинга албатта киритиб куямиз. Илтимос шу блогимизни тухтаб колишига йул куймайлик, хотя бы 1 ойда битта булса хам макола (уз хаётимиздан) чиказиб турайлик. Админиддин узр лекин сиздан рухсатсиз блогда фаолият килганим учун.

Read more »

Анвар зиёфат уюштирган кун

Анварни якинда кизалокли булгани хакида хабар бергандик, Шукуров билан блог учун Анварни болаликдаги расмини олгани борганимизда, Анвар зиёфат уюштириши хакида айтиб колди. Рости, Анвар давра курган йигит эканлигини ортиги билан исботлаб куйди, бир неча бор дастурхондаги салатларни янгилашни ва таомларни хам ортиги билан буюртма килишидан, Анвар анча катта давраларда мехмон/мезбон булганлиги сезилиб турди. Баликка хам роса туйдик ва имкон кадар суръатларга мухрладик, суръатларда хам баликни накадар лаззатлиги куриниб турибди.

БАЙ-БАЙ БАЛИКНИ КИЗИГАН ОЛОВДА ПИШГАНИНИ КАРАНГ.

Энди, фелетонбоп гурунгдан олсак, Боха ака келганларида охирги марта , зиёфатда Шодмонов хаммани роса безор килганлиги хакида айтишганди. Эшитиб кулгандик, Анварни хакбердисида хам бизларни уша холатлар ила роса сийлади. Телевизион минатюралар курсатувида, бир киши хакида кулгули курсатув тайёрлашган эди, ха деб туйларни бориб бузгани учун, туй эгалари шу кишини уйига бозорлик килиб бориб ва пул бериб туйга келмаслигини илтимос килишади. Бизлар хам Шодмоновга худди шундай харакатда буламиз шекилли келажакда. :):)):)):):

Анваржон,сизга курсдошлар номидан миннатдорчилик билдирамиз, роса яйрадик ва балик хам роса лаззатли экан. 

Read more »

Болалигим пошшолигим

Бу болакайларнинг бизнинг блогга нима алокаси бор экан деб ажабланаётганларингиз мумкин. Шошмай туринг акаси, хозир хаммасини тушунтириб бераман. Мана блогга хам кирмай куйганимга, бир ойдан ошиб кетди, Фармонбибига ухшаб аразлаб кетгандим, уйлагандим, хамма оркамдан чопиб колади, Админниддин каерда экан? Админниддин йуклигига телефон хам ишламаяпти? хуроз хам кичкираяпти!!! деган гаплар буладими дегандим. -КАЙДАМ. Акмал билан Низомни хов -ховидан бошка хеч кимдан садо булмади. Фармонбибидай яна узим кайтиб келдим тинчгина. 

   Куп эътирозлар булди, факат таом, таом блогда деб. Хар сафар бир холатни такрорланиб туриши балки меъдага теккандур, шунинг учун хам сал йуналишни узгартириш ният бор эди, якинда эътибор берган булсангизлар, "Фойдали маслахатлар" рукнини ташкил килгандик ва ана шу каби узимиз ва оиламиз учун фойдали маколалар устида ишлашга ахд килдик. Аммо таомли постлар хам булади ора сира. (а без этого никак). Барака топгурлар Сизлардан макола сурмаймиз, факат эътибор, мисол учун хозир соат тун 1:05 булиб турибди, уйкум роса келаяпти, аммо сизлар учун-узим учун нималадур колсин тарихда деб харакат килаяпман. Кискаси келишдик-а йигитлар. ЭЪТИБОР.

  Кайтишимиз оддий булмасин ва шов шувли булсин деб, анчадан бери уйлаб юрган ишимизни амалга ошираяпмиз. Зеро болаликдаги расмни куриб бир кузингиз кувнасин. Расмлар бегона эмас узимизни курсдошларники, ИЛТИМОС бу МАНи болалигим деб юборманглар, уз расмларингни хам атайин бошканики деб юборинг кизик буладида. Бошладик куйида хозирча кулимизда мавжуд расмларни такдим этамиз. Сизнингча куйидаги болакайларнинг расмлари кайси курсдошимизга тегишли. Илтимос изоларда жавобларингизни колдирсангизлар. Макола ёкканлигини :):)):):)куйидаги белгини куйиш оркали изхор этсангиз -Админниддинни хурсанд килган булар эдингиз

Болакай №1-ШУКУРОВ

 Болакай №2-НИЗОМИДДИН

Болакай №3-ХАЙДАРОВ

                                          Болакай №4-АВАЗОВ

                                          Болакай №5-АДМИНИДДИН

 Маколада асосий расмда турган   Болакай №6-ТОЖИЕВ

                                       

Вариантларингизни изохларда кутамиз, хозирча шу расмлар, колганларникини илова киламиз якин кунларда. Маколани куйидаги хикмат билан якунламокчиман. Менга роса ёкди, бирга давра куриб утиришимизни узи бахтли эканлигимизни исботи экан, яна кандай исбот керак Азизлар.

Read more »